தொழில் உபகரணங்கள் வழங்கி வைப்பு

-ஏ.எச்.ஏ.ஹுஸைன்

இலங்கை தொழிற் பயிற்சி அதிகாரசபையினால் தொழில் பயிற்சிகளை நிறைவு செய்தோருக்கு தொழில் உபகரணங்கள், புதன்கிழமை (25) வழங்கி வைக்கப்பட்டன.

மட்டக்களப்பு மாவட்டத்தின் வவுணதீவு பிரதேசத்தில் நடைபெற்ற இந்நிழ்வில், நீர்க் குழாய் பொருத்துநர் மற்றும் கட்டட நிர்மாண கைவினைஞர் (மேசன்) போன்ற பயிற்சிகளை முடித்துக்கொண்ட 13 பேருக்கே இவ்வாறு தொழில் மேம்பாட்டிற்காக தொழில் உபகரணங்கள் வழங்கி வைக்கப்பட்டதாக பயிற்சி நிலையப் பொறுப்பதிகாரி ஆர்.தாஹிர் தெரிவித்தார்.

எகெட் எனப்படும் கிழக்கிலங்கை சமூக பொருளாதார அபிவிருத்தி நிறுவனம் இந்த தொழில் உபகரணங்களை வழங்கியிருந்தது.

தொழில் உபகரணங்கள் வழங்கும் இந்நிகழ்வில் வவுணதீவுப் பிரதேச செயலாளர் எஸ்.சுதாகர், எகெட் நிறுவனத்தின் பணிப்பாளர் ஜெறோன் டிலிமா, இலங்கை தொழிற்பயிற்சி அதிகாரசபையின் உதவிப் பணிப்பாளர் எம்.பி.நளீம் ஆகியோர் கலந்துகொண்டனர்.