ஆதார வைத்தியசாலை முன்பாக தாதியர்கள் ஆர்ப்பாட்டம்

வ.சக்தி         

பல்வேறு கோரிக்கைகளை முன் வைத்து, களுவாஞ்சிகுடி ஆதார வைத்தியசாலை முன்பாக இன்று (14)  நண்பகல் 12 மணியிலிருந்து 1 மணி வரையில் பதாகைகளை ஏந்தியவாறு தாதியர்கள் ஆர்ப்பாட்டத்தில் ஈடுபட்டனர்.

“சம்பள முரண்பாடுகளை நிவர்த்தி செய்ய அமைச்சரவைப் பத்திரத்தை வழங்குக”, “திருத்தியமைத்த சம்பள முறைமையை தாதிய பட்டதாரிகளுக்கு வழங்குக”, “சம்பள முரட்பாட்டை நீக்குக”, “சுகாதார நிர்வாக சேவையில் தொழில் வல்லுநர்களை உள்ளடக்குக”, “விசேட கடமைக் கொடுப்பனவை 10,000 ரூபாயாக வழங்குக” மற்றும் “பதவி உயர்வுகளை தாமதமின்ற வழங்குக” உள்ளிட்ட பல வாசகங்கள் எழுதப்பட்ட பதாகைகளை தாதியர்கள் இதன்போது ஏந்தியிருந்தனர்.