கஞ்சாவுடன் மூவர் கைது

 -ஏ.எச்.ஏ.ஹுஸைன்

மட்டக்களப்பு மாவட்டத்தில் கஞ்சா வைத்திருந்த குற்றச்சாட்டில் மூன்று பேரை புதன்கிழமை (17) பொலிஸார் கைதுசெய்துள்ளனர்.

மீராகேணி, முறக்கொட்டாஞ்சேனை, கோரகல்லிமடு ஆகிய கிராமங்களில் கஞ்சா விற்பனை இடம்பெறுவதாக பொதுமக்களிடமிருந்து கிடைத்த தகவலைத் தொடர்ந்து, அக்கிராமங்களுக்குச் சென்று மேற்படி மூன்று பேரையும் கைதுசெய்ததாக பொலிஸார் தெரிவித்தனர்.  

மீராகேணியிலுள்ள வீதியொன்றில் 66 வயதுடைய ஒருவரிடமிருந்து  8,000 மில்லிகிராம் கஞ்சாவும் முறக்கொட்டாஞ்சேனைக் கிராமத்தில் 62 வயதுடைய ஒருவரிடமிருந்து 3,800 மில்லிகிராம் கஞ்சாவும் கோரகல்லிமடுக் கிராமத்தில் 26 வயதுடைய ஒருவரிடமிருந்து  4810 மில்லிகிராம் கஞ்சாவும் கைப்பற்றப்படதாகவும் பொலிஸார் கூறினர்.