சிறுவர் பூங்கா திறந்து வைப்பு

மட்டக்களப்பு, பூநொச்சிமுனை தாருஸ்ஸலாம் பாலர் பாடசாலை சிறுவர் பூங்கா, மட்டக்களப்பு மாவட்ட நாடாளுமன்ற உறுப்பினர் செய்யித் அலி ஸாஹிர் மௌலானாவினால் இன்று (29) திறந்து வைக்கப்பட்டது.

நாடாளுமன்ற உறுப்பினரின் பன்முகப்படுத்தப்பட்ட   நிதியொதுக்கீட்டில் இந்த சிறுவர் பூங்கா நிர்மானிக்கப்பட்டது.

இந்த வைபவத்தில், கிழக்கு மாகாண  சபை முன்னாள் உறுப்பினர் யு.எல்.எம்.என்.முபீன் உட்பட முக்கியஸ்தர்கள் கலந்துகொண்டனர்.

இதன்போது, காத்தான்குடி அல் ஹஸனாத் வித்தியாலயத்துக்கான ஒலிப் பெருக்கி சாதனங்கள் கையளிக்கப்பட்டதுடன்,  பூநொச்சிமுனை கிராமிய கடல் மீனவர் அமைப்புக்கான தளபாடங்களும் மஞ்சந்தொடுவாய் அமீர் அலி வித்தியாலயத்துக்கான தளபாடங்களும் கையளிக்கப்பட்டன.