நீரில் மூழ்கி ஒருவர் உயிரிழப்பு

-எம்.எம்.அஹமட் அனாம்

சுற்றுலா வந்து மட்டக்களப்பு வாகரை, காயங்கேணி கடலில் நீராடிக்கொண்டிருந்தபோது, நீரில் மூழ்கி ஒருவர் உயிரிழந்துள்ளார்.

கொழும்பில் தனியார் கம்பனி ஒன்றில் முகாமையாளராக கடமையாற்றிவந்த கொழும்பு 02, பிரேபுருக் பிளேஸைச் சேர்ந்த ஹரீஸ் டி பெர்ணான்டோ (வயது – 47) என்பவரே உயிரிழந்துள்ளார்.

நண்பர்கள் ஏழு பேர் சேர்ந்து கடந்த வெள்ளிக்கிழமை சுற்றுலாவாக மட்டக்களப்புக்கு வந்துள்ளனர். இந்நிலையிலேயே காயங்கேணிக் கடலில் நீராடியபோது இவர் உயிரிழந்துள்ளதாக பொலிஸார் தெரிவித்தனர்.

நீரில் மூழ்கி மூச்சு திணறியதால் ஏற்பட்ட மரணம் என பிரேத பரிசோதனையின் மூலம் தெரியவந்துள்ளது.