பிக்கப் – ஓட்டோ விபத்து: இருவர் படுகாயம்

மட்டக்களப்பு – கிரான்குளம், விவேகானந்தா கல்லூரிக்கு அருகில், நேற்று (29) மாலை இடம்பெற்ற விபத்தில் இருவர் படுகாயமடைந்துள்ளனரென, பொலிஸார் தெரிவித்தனர்.

பிக்கப் வாகனமும் ஓட்டோவும்  மோதிக்கொண்டதன் காரணமாக இடம்பெற்ற இந்த விபத்தில், ஓட்டோவில் பயணித்த இருவர் படுகாயமடைந்துள்ளனரென, காத்தான்குடி பொலிஸார் தெரிவித்தனர்.

இதனையடுத்து, பிக்கப் சாரதியைக் கைதுசெய்துள்ள காத்தான்குடி பொலிஸார், மேலதிக விசாரணைகளை மேற்கொண்டு வருகின்றனர்.