’பெண்களே அரசியலுக்கு வாருங்கள்’

பெண்கள் தேர்தலில் வாக்களிப்பவர்களாக மட்டும் இருக்காமல், நேரடியாக அரசியலில் ஈடுபட முன் வரவேண்டுமென, கிராமிய பொருளாதார அலுவல்கள் பிரதியமைச்சர் எம்.எஸ்.எஸ்.அமீர் அலி தெரிவித்தார்.

கொக்கட்டிச்சோலையில் புதன்கிழமை நடைபெற்ற மகளிர் சங்கங்களுடனான சந்திப்பின் போதே அவர் மேற்கண்டவாறு கூறினார்.

இங்கு தொடர்ந்து கருத்துத் தெரிவித்த அவர்,

“கடந்த கால யுத்தத்தால் நமது மட்டக்களப்பு மாவட்டத்திலும் வடக்கு, கிழக்கு மாகாணங்களிலும் பெண்கள் அதிகம் பாதிக்கப்பட்டுள்ளனர்.

“கணவனை இழந்து, பிள்ளைகளை இழந்து, அநாதரவான பெண்கள் மற்றும் பெண்கள் தலைமை தாங்கும் குடும்பங்கள் அதிகம் இருக்கின்றன. இவ்வாறான பெண்களின் வாழ்வாதாரத்தைக் கட்டியெழுப்ப வேண்டிய பொறுப்பு இருக்கின்றது.

“இன்று நமது சமூகத்தில் பெண்கள் இடை நடுவில் கல்வியை விட்டு விடுகின்றனர். அவ்வாறில்லாமல், கல்வியில் பெண்கள் ஆர்வம் காட்டி, கல்வியை தொடர வேண்டும்” என்றார்.