டிரக்டர் பள்ளத்தில் பாய்ந்து விபத்து: 3 பேர் காயம்

-மு.இராமச்சந்திரன்,ரஞ்சித் ராஜபக்ஷ

ஹட்டன் பொலிஸ் பிரிவுக்குட்பட்ட டிக்கோயா இன்வெரி தோட்டத்தில் கொழுந்து மூடைகளை ஏற்றிச்சென்ற டிரக்டர் சுமார் 50 அடி பள்ளத்தில் பாய்ந்து விபத்துக்குள்ளானதில் டிரக்டர் சாரதி உட்படமூவர் காயமடைந்துள்ளனர்.

காயமடைந்த மூவரும், டிக்கோயா-கிளங்கன் வைத்தியசாலையில் அனுமதிக்கப்பட்டுள்ளனர்.

இன்வெரி தோட்டத்திலிருந்து சலங்கண்டி( என்பீல்ட்) தேயிலை தொழிற்சாலைக்கு சுமார் 1,000 கிலோகிராம் தேயிலைக்கொழுந்து மூடைகளை ஏற்றிச்சென்ற டிரக்டரே இன்று மாலை 4 மணியளவில் விபத்துக்குள்ளாகியுள்ளது.