அனுமதிப்பத்திரமின்றி லொறியில் மாடுகளை ஏற்றிச்சென்ற நபர் கைது

எம்.எம்.அஹமட் அனாம்

மட்டக்களப்பு, வாழைச்சேனை பொலிஸ் பிரிவில் இன்று வியாழக்கிழமை(23) அதிகாலை அனுமதிப்பத்திரமின்றி லொறியில் மாடுகளை ஏற்றிச்சென்ற நபரை பொலிஸார் கைதுசெய்துள்ளதுடன் மாடுகளையும் கைப்பற்றியுள்ளனர்.

ரெதிதென்ன பிரதேசத்தில் இருந்து கல்முனைக்கு மாடுகளை ஏற்றிச் செல்லும் வழியில், வாழைச்சேனை பொலிஸிக்கு முன்பாக கடமையில் இருந்த பொலிஸார் வாகனத்தை பரிசோதனை செய்தபோதே 10 மாடுகளும் ஒரு கன்றும் லொறியும் கைப்பற்றப்பட்டுள்ளதுடன் லொறியின் சாரதியும் கைதுசெய்யப்பட்டுள்ளார்.

லொறியின் சாரதியை வாழைச்சேனை நீதவான் நீதிமன்றில் ஆஜர்படுத்துவதற்கான நடவடிக்கைகள் மேற்கொள்ளப்பட்டு வருவதாகவும் வாழைச்சேனை பொலிஸ் நிலைய பொறுப்பதிகாரி என்.திப்புட்டுமுன தெரிவித்தார்.