ஒரு கிலோகிராம் கஞ்சாவுடன் ஒருவர் கைது

-மொஹொமட் ஆஸிக்

பாரியளவில் கஞ்சா விற்பனையில் ஈடுபட்ட சந்தேக நபர் ஒருவரை ஒரு கிலோகிராம் கஞ்சாவுடன் நேற்று திங்கட்கிழமை (27) கைது செய்துள்ளதாக கட்டுகஸ்தோட்டை பொலிஸார் தெரிவித்தனர்.

பொலிஸாருக்கு கிடைத்த இரகசிய தகவலின் அடிப்படையில் கட்டுகஸ்தோட்டை, பூஜாபிட்டிய மாரத்துகொடை பிரதேசத்தில் வைத்து 48 வயதுடைய குறித்த சந்தேக நபர் கைது செய்யப்பட்டுள்ளார்.

இவரின் குடும்ப அங்கத்தவர்கள் வெளிநாட்டில் வசிப்பதனால் எவ்வித பொருளாதார கஷ்டமும் இல்லாத நிலையில், கஞ்சா பாவனைக்கு அடிமையாகி, விற்பனைக்கும் முன்வந்துள்ளமை பொலிஸாரின் ஆரம்பகட்ட விசாரணைகளில் இருந்து தெரியவந்துள்ளது.

கைது செய்யப்பட்ட சந்தேப நபரை, கண்டி நீதவான் நீதிமன்றில் இன்று திங்கட்கிழமை (28) ஆஜர்படுத்தவுள்ளதாக கட்டுகஸ்தோட்டை பொலிஸார் தெரிவித்தனர்.