393 பேருக்கு அரச நியமனம் வழங்கல்

  எம். செல்வராஜா      

ஊவா மாகாண அரச சேவைக்கு, மூவினங்களையும் சேர்ந்த 393 பேருக்கு நியமனங்கள் வழங்கப்பட்டுள்ளன.

ஆசிரியர் நியமனங்கள், அரச செயலக உத்தியோகத்தர் நியமனங்கள் என்ற வகையில் மேற்படி நியமனங்கள் வழங்கப்பட்டுள்ளன.

பட்டதாரிகள் மற்றும் டிப்ளோமாதாரிகள் என்ற ரீதியில் 351 பேருக்கு ஆசிரியர் நியமனங்களும்  அரச செயலக உத்தியோகத்தர்கள், அபிவிருத்தி உத்தியோகத்தர்கள் என்ற ரீதியில் 42 பேருக்குமாக 393 பேருக்கு நியமனங்கள் வழங்கப்பட்டன.

ஊவா மாகாண நூலக சேவை கேட்போர் கூடத்தில் நடைபெற்ற மேற்படி இந்நிகழ்வில், விவசாய இராஜாங்க அமைச்சர் சசிந்திர ராஜபக்ச, ஊவா மாகாண ஆளுநர் ஏ.ஜே.எம்.முஸம்மில் ஆகியோர் கலந்துகொண்டனர்.