அக்குறணை அஸ்ஹர் தேசிய பாடசாலையில் இன்றும் ஆர்ப்பாட்டம்

மொஹொமட் ஆஸிக்

அக்குறணை அஸ்ஹர் தேசிய பாடசாலையின் பதில் அதிபர் நியமனம் தொடர்பில், மாணவர்களின் பெற்றோர், இன்று (02) பெற்றோர் கூட்டத்தை நடத்துவதற்கு தீர்மானித்துள்ளனர்.

அக்குறணை, அஸ்ஹர் தேசிய பாடசாலையின் பதில் அதிபராக எம்.எஸ்.எம்.இக்பால் என்பவர் கடமையில் இருக்கும்போது, மற்றொருவர் பதில் அதிபராக நியமிக்கப்பட்டமைக்கு எதிர்ப்பு தெரிவித்து, பாடசாலைக்கு முன்பாக பெற்றோர் திங்கட்கிழமை(29) ஆர்ப்பாட்டத்தில் ஈடுபட்டனர்.

எதிர்ப்பு நடவடிக்கையின் மத்தியிலும் புதிய பதில் அதிபர், திங்கட்கிழமை (29) மாலை தனது கடமைகளைப் பொறுப்பேற்றார். இதற்கு எதிர்ப்பு தெரிவித்து நேற்றும்(01)  பாடசாலைக்கு முன்பாக பெற்றோர் ஆர்ப்பாட்டத்தில் ஈடுபட்டனர். இதன்போது பதற்றமான சூழலும் ஏற்பட்டது.

சுமார் மூன்று மணித்தியாலங்களுக்கும் மேல் குழுமியிருந்த பெற்றோர்கள்,  இன்று பெற்றோர் கூட்டத்தை கூட்டும் தீர்மானத்துடன் திரும்பிச் சென்றனர். இக்கூட்டத்தில் கல்வி அதிகாரிகளையும் கலந்துகொள்ளுமாறு பெற்றோர் அழைப்பு விடுத்துள்ளனர்.