இரத்தினபுரியில் தோட்டத் தொழிலாளர்கள் ஆர்பாட்டம்

-சிவாணி ஸ்ரீ

இரத்தினபுரி மாவட்டத்தில் அகலவத்தை பெருந்தோட்ட கம்பனிக்கு சொந்தமான 6 தோட்டங்களை சேர்ந்தத் தொழிலாளர்கள் புதன்கிழமை(02) இரத்தினபுரி மாவட்ட தொழில் திணைக்களத்தின் முன்பாக ஆர்ப்பாட்டத்தில் ஈடுப்பட்டனர்.

தமது சம்பளத்தில் பிடிக்கப்பட்ட சேமலாப நிதியை பெற்று கொடுக்குமாறு கோரியே இவர்கள் இந்த ஆர்ப்பாட்டத்தில் ஈடுப்பட்டனர்.

கிரிபத்கல, வடாபத, பிங்கந்த, தொலஸ்வல, நிரியெல்ல, நொரகல ஆகிய 6 தோட்டங்களை சேர்ந்த தொழிலாளர்களே இன்று ஆர்ப்பாட்டத்தில் ஈடுபட்டனர்.

'தொழிலாளர்களது மாதாந்த சம்பளத்தில் சேமலாப நிதிக்காக சுமார் 339 மில்லியன் ரூபாய் தொகையை அகலவத்தை பெருந்தொட்ட கம்பனி சேகரித்துள்ளது. இதனை உடனே பெற்று தருவதற்கு ஜனாதிபதி மற்றும் பிரதமர் நடவடிக்கை எடுக்க வேண்டும்' என்று ஆர்ப்பாட்டத்தில் ஈடுபட்ட தொழிலாளர்கள் கோரிக்கை விடுத்தனர்