இரத்தினக்கல் அகழ்வுக்காக ஆறுகள் ஏல விற்பனை

ஏ.ஏ.எம்.பாயிஸ்

இரத்தினக்கல் அகழ்வுக்காக இரத்தினபுரி மாவட்டத்திலுள்ள களுகங்கை, வேகங்கை ஹங்கமுவ கங்கை ஆகிய ஆறுகள், ஏல விற்பனை செய்யப்படவுள்ளன என்று, இரத்தினக்கல் அதிகார சபை தலைவர் திலக் வீரசிங்க நேற்று (5) தெரிவித்தார்.

இரத்தினபுரி மாவட்ட இணைப்புக் குழுக் கூட்டம்,  நிவித்திகல பிரதேச இணைப்புக் குழு கூட்டம் ஆகியவற்றின் தீர்மானத்துக்கு இணங்க, மேற்படி ஏல விற்பனை வெளிப்படைத் தன்மையுடையதாகவும் நீர்ப்பாசனத் திணைக்களத்தின் அனுமதியோடு நடைமுறைப்படுத்தப்பட உள்ளதாக அவர் மேலும் தெரிவித்தார்.

இதேவேளை களுகங்கை வேகங்கை ஆகிய ஆறுகளின் சில பகுதிகள், தற்போது ஏல விற்பனை செய்யப்பட்டுள்ளதாகவும் அவர் மேலும் தெரிவித்தார்.