ஓட்டோ குடைசாய்ந்தில் இருவருக்குக் காயம்

எம்.கிருஸ்ணா

ஹட்டன் - கொழும்பு பிரதான வீதி, செனன் ஸ்டரதன்ட்  பகுதியில், இன்று (6) பகல், ஓட்டோவொன்று குடைசாய்ந்து விபத்துக்குள்ளானதில், இருவர் படுகாயமடைந்த நிலையில், வட்டவளை வைத்தியசாலையில் அனுமதிக்கப்பட்டுள்ளனர்.

ஹட்டனிலிருந்து - கொழும்பு நோக்கிச்சென்ற ஓட்டோவானது, இயந்திரக்கோளாறு காரணமாக,  பின்னால் வந்த பஸ்ஸில் மோதி  விபத்துக்குள்ளாகியுள்ளது.

விபத்தில் ஓட்டோவில் பயணித்த பெண்ணொருவரும் குழந்தையொன்றும் காயமடைந்த நிலையில் வைத்தியசாலையில் அனுமதிக்கப்பட்டுள்ளனர்.

விபத்துத் தொடர்பில், ஹட்டன் பொலிஸார் மேலதிக விசாரணைகளை மேற்கொண்டு வருகின்றனர்.