காட்டுத் தீ: 3 ஏக்கர் நாசம்

ரஞ்சித் ராஜபக்ஷ

திம்புள்ள, கிறேக்லி தோட்டம் - பெய்திலி பிரிவுக்கு சொந்தமான வனப்பகுதியில், இன்று பிற்பகல் ஏற்பட்ட  தீ காரணமாக 3 ஏக்கர் காடு எரிந்து நாசமாகியுள்ளதாக பத்தனை பொலிஸார் தெரிவித்தனர்.
 
பத்து ஏக்கரைக் கொண்ட இந்த வனப்பகுதியில் 3 ஏக்கர் வரை முற்றாக எரிந்து நாசமாகியுள்ளது.
 
திம்புள்ள-பத்தனை பொலிஸாரும் பொதுமக்களும் பெரும் சிரமத்துக்கு மத்தியில் தீயை கட்டுப்பாட்டுக்குள் கொண்டு வந்துள்ளனர்.
 
இது தொடர்பிலான  விசாரணைகளை பொலிஸார் மேற்கொண்டு வருகின்றனர்.