கசிப்பு உற்பத்தி நிலையம் சுற்றிவளைப்பு

நடராஜா மலர்வேந்தன்

பதுளை - லுணுகல பொலிஸ் பிரிவிற்கு உட்பட்ட ஹொப்டன் பழைய ஸ்டோர்  தோட்டப்பகுதியில் இயங்கிவந்த சட்டவிரோத கசிப்பு உற்பத்தி நிலையம் சுற்றிவளைக்கப்பட்டுள்ளது.

இதன்போது நபர் ஒருவர் கைது செய்யப்பட்டதுடன், இவர் பதுக்கி வைத்திருந்த 705 லீட்டர் கோடாவும் (940 -  போத்தல்) கைப்பற்றப்பட்டு, லுணுகல பொலிஸ் நிலையத்தில் ஒப்படைக்கப்பட்டுள்ளன.

பதுளை மாவட்டத்திற்கு பொறுப்பான சிரேஷ்ட பொலிஸ் அத்தியட்சகர் சுஜித் வெதமுல்ல  அவர்களின்  பணிப்பின் கீழ், பதுளை மாவட்ட குற்ற விசாரணை பிரிவு பொறுப்பதிகாரி பொ.ப. அபேபால அவர்களின் வழிநடத்தலின் கீழ் இந்த சுற்றிவளைப்பு இடம்பெற்றிருந்தமை குறிப்பிடத்தக்கது.