கஞ்சாவுடன் ஒருவர் கைது

மொஹொமட் ஆஸிக்

மோப்ப நாயின் உதவியுடன் கட்டுகஸ்தோட்டை, உடுவாவலையிலுள்ள வீடொன்றிலிருந்து, 6 கிராம் 500 மில்லிகிராம் கஞ்சாவை,  செவ்வாய்க்கிழமை(1) கைப்பற்றியுள்ளதுடன் சந்தேகத்தின் பேரில் ஒருவரை பொலிஸார் கைதுசெய்துள்ளனர்.

மேற்படி வீட்டில் பதுக்கி வைக்கப்பட்டிருந்த நிலையிலே கஞ்சா கைப்பற்றப்பட்டுள்ளது. போதைப்பொருட்களை கண்டெடுப்பதற்கென விசேடமாக பயிற்றுவிக்கப்பட்ட „ சாம...  என்றழைக்கப்படும் பொலிஸ் மோப்ப நாயின் உதவியுடன் பொலிஸார், மேற்படி பிரதேசத்திலுள்ள வீடுகளை சோதனையிட்ட போதே கஞ்சா கைப்பற்றப்பட்டுள்ளது.

கைதானவரை கண்டி நீதவான் முன்னிலையில் ஆஜர்செய்யவுள்ளதாக கட்டுகஸ்தோட்டை பொலிஸார் தெரிவித்தனர்.