கல்வி அபிவிருத்திக்காக சப்ரகமுவைக்கு கூடுதல் நிதி

சிவாணி ஸ்ரீ

சப்ரகமுவ மாகாணத்தின் இரத்தினபுரி, கேகாலை மாவட்டங்களிலுள்ள பாடசாலைகளை அபிவிருத்தி செய்வதற்காக ஜனாதிபதி மைத்திரிபால சிறிசேன, 4,700 மில்லியன் ரூபாயை  இம் மாகாணத்துக்கு பெற்றுக்கொடுத்துள்ளதாக சப்ரகமுவ மாகாண முதலமைச்சர் மஹிபால ஹேரத் தெரிவித்தார்.

சப்ரகமுவ மாகாணத்திலுள்ள பாடசாலைகளின் அபிவிருத்தி மற்றும் கற்றல் நடவடிக்கைகள் குறித்து பாடசாலை அதிபர்களுக்கு தெளிவுபடுத்தும் நிகழ்வு, இரத்தினபுரியில் அமைந்துள்ள  மாகாண மத்திய நூலகத்தின் கேட்போர் கூடத்தில், புதன்கிழமை (27) நடைபெற்றது. இதில் கலந்துகொண்டு உரையாற்றும்போதே அவர் இவ்வாறு கூறினார்.

இங்கு தொடர்ந்துரைத்த அவர், 'மாகாண பாடசாலைகளின் அபிவிருத்திக்காக இவ்வருடம் கூடுதலான நிதி மாகாணத்துக்கு கிடைத்துள்ளது. இதன்மூலம் மேற்படி மாகாணத்திலுள்ள பாடசாலைகளில் நிலவும் பௌதிகவள பற்றாக்குறையை 99 வீதம் நிவர்த்திக்க முடியும்' என்றார்.