குளவிக் கொட்டு; இருவர் வைத்தியசாலையில் அனுமதி

எஸ்.சதீஸ்

பொகவந்தலாவ, கீழ் தோட்டப்பகுதியில் குளவிக் கொட்டுக்கு உள்ளான இருவர், பொகவந்தலாவை வைத்தியசாலையில் அனுமதிக்கப்பட்டுள்ளனர்.

ஹட்டனில் இருந்து பொகவந்தலாவ நோக்கி, மோட்டார் சைக்கிளில் பயணித்த இருவரே, நேற்று முன்தினம் மாலை, குளவிக் கொட்டுக்கு இலக்காகியுள்ளனர்.

மேற்படி இருவரும் கடுமையான குளவிக் கொட்டுக்கு இலக்காகியுள்ளனர் என்றும் பொதுமக்களின் உதவியுடன் வைத்தியசாலையில் அனுமதிக்கப்பட்டு, சிகிச்சையின் பின்னர் வீடு திரும்பியுள்ளனர் என்றும் தெரிவிக்கப்படுகிறது.