கோட்டா கோ கம கண்டி கிளையைத் தாக்கிய நால்வர் கைது

சேஹ்ன் செனவிரத்ன

கண்டி நகரின் ஜோர்ஜ் டி சில்வா பூங்காவுக்கு முன்பாக அமைக்கப்பட்டிருந்த கோட்டா கோ கம கிளை மீது தாக்குதல் நடத்தி, மூவரை கடுமையாகத் தாக்கி காயப்படுத்தி குற்றச்சாட்டில் நால்வர் கண்டி பொலிஸாரால் கைதுசெய்யப்பட்டுள்ளனர்.

9ஆம் திகதி  நடத்தப்பட்ட இத்தாக்குதலால் மக்கள் விடுதலை முன்னணியின் முன்னாள் பாராளுமன்ற உறுப்பினர் உள்ளிட்ட மூவர் காயமடைந்து, கண்டி வைத்தியசாலையில் அனுமதிக்கப்பட்டனர்.

இந்தச் சம்பவத்துடன் தொடர்புடைய பிரதான சந்தேகநபரான கண்டி நகர சபை உறுப்பினரான பொது ஜன பெரமுனவின் உறுப்பினர் இதுவரை கைதுசெய்யப்படாத நிலையில், நால்வர் நேற்று முன்தினம் (10) கைதுசெய்யப்பட்டனர்.

கைதுசெய்யப்பட்ட சந்தேகநபர்கள் தலாத்துஓயா, லெவுல மற்றும் ஹந்தானை ஆகிய பிரதேசங்களைச் சேர்ந்தவர்கள் என்றும் தெரிவிக்கப்பட்டுள்ளது.