சிகிச்சை பெற்று திரும்பியவரை காணவில்லை

செ.தி.பெருமாள்

மஸ்கெலியா கிளங்கள் வைத்தியசாலையில் சிகிச்சைப் பெற்று வெளியேறிய, மாணிக்கம் மகாலிங்கம் என்பவரை, கடந்த சனிக்கிழமை (1) முதல் காணவில்லையென, உறவினர்கள் மஸ்கெலியா பொலிஸில் முறைப்பாடு செய்துள்ளனர்.

மஸ்கெலியா காட்மோர் தம்பதனையைச் சேர்ந்த 63 வயதுடைய நபரே இவ்வாறு காணாமல் போயுள்ளார்.

இவர் உடல்நலக் குறைப்பாடு காரணமாக, கிளங்கன் வைத்தியசாலையில் சிகிக்சைபெற்று வந்துள்ளதுடன் சிகிச்சையின் பின், கடந்த சனிக்கிழமை (1) வைத்தியசாலையிலிருந்து வெளியேறியுள்ளார்.

எனினும், இவர் இதுவரை வீடு வந்துசேரவில்லை என அவரது மகனான தினேஸ் என்பவர், மஸ்கெலியா பொலிஸில், ஞாயிற்றுக்கிழமை (2) முறைப்பாடு செய்துள்ளார்.

முறைப்பாட்டின் பிரகாரம் பொலிஸார் விசாரணைகளை மேற்கொண்டு வருகின்றனர்.