சு.க.வுடன் இணைய 17 கட்சிகள் இணக்கம்

ரஞ்சித் ராஜபக்ஷ

உள்ளூராட்சிமன்றத் தேர்தலில், ஸ்ரீ லங்கா சுதந்திரக் கட்சியுடன் கூட்டணி அமைத்து களமிறங்குவதற்கு இதுவரை 17 கட்சிகள் முன்வந்துள்ளதாக ஸ்ரீலங்கா சுதந்திர கட்சியின் பொருளாளரும் அமைச்சருமான  எஸ்.பீ.திஸாநாயக்க தெரிவித்தார்.

ஹட்டன், லக்ஷபான பகுதியில் திங்கட்கிழமை (22) இடம்பெற்ற நிகழ்வொன்றில் கலந்துகொண்ட பின்னர், ஊடகங்களுக்கு கருத்து தெரிவிக்கையிலேயே அவர் மேற்கண்டவாறு தெரிவித்தார்.

அங்கு தொடர்ந்து கருத்துரைத்த அமைச்சர், 'ஸ்ரீ லங்கா சுதந்திரக் கட்சியை இரண்டாக பிளவுப்படுத்துவதற்கு சிலர் முயற்சிக்கின்றனர். ஆனால், இந்தக் கட்சி இரண்டாக பிளவடையக் கூடிய சாத்தியம் கிடையாது. அதற்கு நான் ஒருபோதும் இடமளிக்கப்போவதுமில்லை' என்றார்.