சம்மாந்துறை வாசி நாகசேனையில் கைது

ஆ.ரமேஸ், எஸ்.சுஜிதா, எஸ்.கௌஷி 

லிந்துலை, நாகசேனை வலகா தோட்டத்தில், தங்கியிருந்த அம்பாறை, சம்மாந்துறை பிரதேசத்தைச் சேர்ந்த சின்னராசா மொஹமட் இஷாட் (வயது 33) என்பவரை லிந்துலை பொலிஸார் நேற்று (28) கைதுசெய்துள்ளனர்.  

வலகா தோட்டத்துக்கு ஜனவரி மாதம் வருகை தந்த மேற்படிநபர், அந்தத் தோட்டத்தைச் சேர்ந்த பெண்ணொருவரை, இரண்டாம் தாரமாக மணம் முடித்துள்ளார். 

பின்னர் திடீரென தனது ஓட்டோ ஒன்று காணாமற் போயுள்ளதாகத் தெரிவித்து, தனது ஊருக்குத் திரும்பிச் சென்ற அந்நபர், இரு நாள்களுக்கு முன்பே, வலகா தோட்டத்துக்கு மீண்டும் வருகை தந்துள்ளார். 

பிரதேசவாசிகள் பொலிஸாருக்கு வழங்கிய தகவலையடுத்து, சந்தேகத்தின் பேரில் குறித்த நபரை, பொலிஸார் கைதுசெய்துள்ளதுடன் மேலதிக விசாரணைகளை மேற்கொண்டு வருகின்றனர்.