செபஸ்தியார் ஆலய சிலை தகர்ப்பு

   ராமு தனராஜா

  லுணுகலை -அடாவத்தை எல்டராடோ பிரிவின் புனித செபஸ்தியார் தேவாலயத்தின் முன்றலில் அமைக்கப்பட்டிருந்த புனித செபஸ்தியார் திருச்சொரூபம்  சில விஷமிகளால் உடைத்து சேதப்படுத்தப்பட்டுள்ளது.  

நேற்றிரவு தேவாலயத்தின் முன்றலில் கண்ணாடிப் பெட்டிக்குள் வைக்கப்பட்டிருந்த புனித செபஸ்தியார் திருச்சொரூபத்தை அகற்றி, அதனை எல்டராடோ ஸ்ரீ சித்தி விநாயகர் ஆலயத்திற்கு அருகாமையில் கொண்டு சென்று  நொறுக்கி சேதப்படுத்தியுள்ளனர்.   

  குறித்த விடயம் சம்பந்தமாக பிரதேச மக்கள்  லுணுகலை பொலிஸாருக்கு வழங்கிய தகவலையடுத்து, பதுளை குற்றவியல் பிரிவின் தடயவியல் பொலிஸாரின் உதவியுடன் ஆரம்ப கட்ட விசாரணைகளை லுணுகலை பொலிஸார் மேற்கொண்டு வருகின்றனர்.

இதுவரை சந்தேகநபர் எவரும்  கைது செய்யப்படாத நிலையில், இந்து கிறிஸ்தவ மக்கள் ஒற்றுமையாக வசித்து வரும் இந்தப் பிரதேசத்தில் ஒரு சில விசமிகளால் மேற்கொள்ளப்பட்டுள்ள இந்த செயற்பாடானது, மதங்களுக்கிடையிலான  ஒற்றுமையை சீர்குலைக்க செய்யும் முயற்சியாக இருக்கலாம்  என பிரதேச மக்கள் தெரிவிக்கின்றனர்