டிப்பர் வாகனம் குடை சாய்ந்ததில் பெண் படுகாயம்

ரஞ்சித் ராஜபக்ஷ

ஹட்டனர் பொகவந்தலாவ பிரதான வீதியில், டிக்கோயா அலுத்கால பகுதியில் இன்று வெள்ளிக்கிழமை (19) டிப்பர் ரக வாகனமொன்று வீதியில் குடைசாய்ந்ததன் காரணமாக, பெண்ணொருவர் படுகாயமடைந்த நிலையில் டிக்கோயா கிளங்கன் வைத்தியசாலையில் அனுமதிக்கப்பட்டுள்ளதாக பொலிஸார் தெரிவித்தனர்.

குறித்த வாகனம் ஹட்டனிலிருந்து, டிக்கோயா பகுதியை நோக்கி வேகமாகச் சென்றுக்கொண்டிருந்த போது குடைசாய்ந்து பஸ்ஸூக்காக காத்திருந்த பெண்ணின் மீது மோதி விபத்துக்குள்ளாகியுள்ளது.

இது தொடர்புடைய மேலதிக விசாரணைகளை  பொலிஸார் மேற்கொண்டு வருகின்றனர்.