நூல்கள் வழங்கி வைப்பு

நுவரெலியா மாவட்ட நாடாளுமன்ற உறுப்பினர் எம்.திலகராஜின் பன்முகப்படுத்தப்பட்ட நிதியிலிருந்து, 50 நூலகங்களுக்கு, நூல்களை பெற்றுக்கொடுக்கும் நிகழ்வும் 25 எழுத்தாளர்களின் நூல்களைக் கொள்வனவு செய்து, அவர்களை ஊக்குவிக்கும் நிகழ்ச்சித்திட்டமும், நுவரெலியா மாவட்டச் செயலக மண்டபத்தில், புதன்கிழமை நடைபெற்றது.   

இந்நிகழ்வில் பிரதம அதிதியாக நுவரெலியா மாவட்ட நாடாளுமன்ற உறுப்பினர் எம்.திலகராஜ், முன்னாள் அமைச்சர் வீ.புத்திரசிகாமணி, மூத்த எழுத்தாளர்களான தெளிவத்தைஜோசப், அல்அஸூமத் உள்ளிட்டப் பலர் கலந்துகொண்டனர்.   

இதன்போது, 25 நூலாசிரியர்களுக்கு சன்மானம் வழங்கப்பட்டதோடு, தெரிவு செய்யப்பட்ட 50 நூலகங்களுக்கு, 25 நூல்களைக் கொண்ட பொதிகளும் வழங்கி வைக்கப்பட்டன.