பாடசாலை மைதானத்திலிருந்து பாம்பு குட்டிகள், முட்டைகள் மீட்பு

எம்பிலிப்பிட்டிய, ஹெலஉடகந்த மஹா வித்தியாலயத்தின் விளையாட்டு மைதானத்திலிருந்து 7 பாம்புக் குட்டிகளும் 70 பாம்பு முட்டைகளும் இன்று (29) மீட்கப்பட்டுள்ளன.

பாடசாலையின் மாணவர்கள் மதிய நேர இடைவேளையின் போது விளையாடுவதற்காக மேற்படி மைதானத்துக்குச் சென்றுள்ளனர். இதன்போது, பாம்புக் குட்டிகள் இரண்டு மைதானத்தில் ஊர்ந்து திரிவதை கண்ட மாணவர்கள், அது தொடர்பில் பாடசாலை ஆசிரியர்களுக்கு அறிவித்துள்ளனர்.

பாடசாலை ஆசிரியர்களும் பெற்றோரும் இணைந்து  மைதானத்தில் மேற்கொண்ட சோதனையின்போது 6 பாம்புக் குட்டிகளும்  70 பாம்பு முட்டைகளும் மீட்கப்பட்டுள்ளன. மீட்கப்பட்ட பாம்புக் குட்டிகளும் முட்டைகளும் வன விலங்கு திணைக்கள அதிகாரிகளிடம் ஒப்படைக்கப்பட்டுள்ளன.