பஸ்ஸுக்காக காத்திருக்கும் குளவிகள்

ஆ.ரமேஷ்

7 கோடியே  65 இலட்சம் ரூபாய் செலவில் தலவாக்கலை நகரில் அமைக்கப்பட்டுள்ள பஸ் நிலையம்,  குளவிகளின் இருப்பிடமாக மாறி வருவதாக பொது மக்கள் விசனம் தெரிவிக்கின்றனர்.

கடந்த வருடம் அமைக்கப்பட்ட இந்த பஸ் நிலையம் இதுவரை திறந்து வைக்கப்படாமல் உள்ளது.

பஸ்  நிலையத்தை  அண்மித்து  கடைத்தொகுதிகள், வங்கி, விகாரை என பொது இடங்கள் பல காணப்படுவதால், மக்களின் நடமாட்டம் இங்கு அதிகமாக உள்ளது.

இப்பகுதியில் குளவிகள் கலையுமானால் பொதுமக்கள் பெரிதும் பாதிப்புக்குள்ளாவர் என கவலை தெரிவிக்கின்றனர்.

தலவாக்கலை நகரசபை, இக்குளவி கூடுகளை அகற்ற நடவடிக்கை எடுக்க வேண்டுமென மக்கள் கோரிக்கை விடுத்துள்ளனர்.