பால் கொள்கலனுடன் மோதிய கார்

ரஞ்சித் ராஜபக்ஸ

அதிக வேகத்துடன் பயணித்த காரொன்று, முன்னால் சென்றுக்கொண்டிருந்த பால் கொள்கலன் லொறியுடன் மோதியதால், கார் பலத்த சேதமடைந்துள்ளது.

நேற்று (7) காலை 7.30 மணியளவில் ஹட்டன்- கொழும்பு பிரதான வீதியின் ரொசல்ல பகுதியில் இந்த விபத்து இடம்பெற்றுள்ளது.

கொழும்பிலிருந்து ஹட்டனுக்கு சென்றுக்கொண்டிருந்த கொள்கலன் லொறிக்கு பின்னால், களுத்துறையிலிருந்து ஹட்டன் நோக்கி பயணித்துக்கொண்டிருந்த  கார் மோதியுள்ளது.

இதன்போது குறித்த காரில் சிறு குழந்தை உள்ளிட்ட மூவர் இருந்துள்ளதுடன், விபத்தால் எவருக்கும் எவ்வித பாதிப்பும் ஏற்படவில்லை என வட்டவளை பொலிஸார் தெரிவித்துள்ளனர்.

காரின் சாரதிக்கு ஏற்பட்ட நித்திரை கலக்கமே இந்த விபத்துக்கு காரணம் என பொலிஸார் தெரிவித்துள்ளனர்.