மினி சூறாவளியால் கூரைகள் பறந்தன

மு.இராமச்சந்திரன், ரஞ்சித் ராஜபக்ஷ

கினிகத்தேனை, தெல்தொட்டை ஆகிய பகுதிகளில் சனிக்கிழமை மாலை வீசிய  மினி சூறாவளியினால் 11 வீடுகள் சேதமடைந்துள்ளதுடன் சுமார் 31 பேர் பாதிக்கப்பட்டுள்ளனர். கினிக்தேனை அம்பகமுவையில் வீசிய மினி சூறாவளியினால் மூன்று வீடுகளின் கூரைகள்   சேதமடைந்துள்ளதுடன் மூன்று குடும்பங்களைச் சேர்ந்த 15 பேர் பாதிக்கப்பட்டுள்ளனர்.    

தெல்தோட்டை-போப்பிட்டிய தோட்டத்தில் வீசிய மினி சூறாவளியினால் லயன் அறையொன்றின் கூரைகள் சேதமாகியுள்ளதுடன் 8 குடும்பங்களைச் சேர்ந்த 16 பேர் பாதிக்கப்பட்டுள்ளதாக பொலிஸார் கூறினார்.

பாதிக்கப்பட்டவர்கள்  உறவினர்கள், நண்பர்களின் வீடுகளில் தங்கவைக்கப்பட்டுள்ளனர்.