மண்சரிவு அபாயம் காரணமாக 6 குடும்பங்கள் வெளியேற்றம்

எம்.செல்வராஜா                          

மண்சரிவு அபாயம் காரணமாக வெளிமடை சினன் தோட்டத்தில், ஆறு குடும்பங்களைச் சேர்ந்த 30 பேர் ஞாயிற்றுக்கிழமை (11) மாலை பாதுகாப்பான இடங்களுக்கு அனுப்பி வைக்கப்பட்டுள்ளனர்.

மேற்படி தோட்டத்தொழிலாளர்களின் குடியிருப்புத்தொகுதிக்கு பின்புறமுள்ள மண்மேடு சரியத்தொடங்கியுள்ளதுடன்   நீர் குடியிருப்புத் தொகுதிகளுக்குள் உட்புகுந்தமையினால் 6 குடும்பங்களும் உடனடியாக வெளியேற்றப்பட்டனர்.

இவர்கள், தற்காலிகமாக அவர்;களின் உறவினர் வீடுகளில் தங்க வைக்கப்பட்டிருப்பதாகவும் அவர்களுக்கான உலர் உணவுப்பொருட்கள் அடங்கிய பொதிகளை உடன் வழங்குவதற்கு ஏற்பாடுகளை மேற்கொண்டிருப்பதாகவும் வெளிமடை பிரதேச செயலாளர் ஞானா நவரட்ண தெரிவித்தார்.

சீரற்ற கால நிலையைத் தொடர்ந்து இப்பகுதியில் தொடந்தும் மழை பெய்து வருவதனால்; மண்சரிவு அபாயம் அதிகரித்துள்ளது. இதனால் மக்களின் இயல்பு வாழ்க்கை பாதிக்கப்பட்டுள்ளது.