யட்டிநுவர எதிர்க்கட்சி தலைவரின் குடும்பத்தினர் சடலங்களாக மீட்பு

யட்டிநுவர பிரதேச சபையின் எதிர்க்கட்சித் தலைவரான ஐக்கிய மக்கள் சக்தியின் உறுப்பினர்  சம்பிகா விஜேரத்ன (53), அவரது மனைவி மற்றும் மகள் ஆகியோர் முருத்தலாவை கம்பியாடிய வீட்டில் மர்மமான முறையில் இறந்து கிடந்ததாக பேராதனை பொலிஸார் தெரிவித்தனர்.

பேராதனை பொலிஸாருக்கு கிடைத்த ரகசிய தகவலைத் தொடர்ந்து அவர்களின் உடல்கள் கண்டுபிடிக்கப்பட்டன.

இறந்த சம்பிகா விஜேரத்ன நீண்டகால அரசியல்வாதி. அவரது உடல் வீட்டின் ஒரு அறையில் தூக்கில் தொங்கிய நிலையில் கண்டெடுக்கப்பட்டது, அதே நேரத்தில் அவரது 16 வயது மகள் மற்றும் மனைவியின் உடல்கள் வீடு முழுவதும் சிதறிக்கிடந்தன என்று பொலிஸார் தெரிவித்தனர். சம்பவத்தில் அவர்களின் இளம் மகள் உயிர் பிழைத்ததாக பொலிஸார் தெரிவித்தனர்.

இந்த மர்மமான மரணங்களுக்கான காரணம் இன்னும் தெரியவில்லை என்று பேராதனை பொலிஸார் தெரிவிக்கின்றனர். இது தற்கொலையா அல்லது வேறு ஏதேனும் காரணமா என்று பொலிஸார் விசாரித்து வருகின்றனர்.