லொறி விபத்து : ஒருவர் காயம்

நுவரெலியாவில் இருந்து தலவாக்கலை நோக்கி பயணித்து கொண்டிருந்த லொறி ஒன்று ரதல்ல குறுக்கு வீதியில் வைத்து சனிக்கிழமை (28) அன்று விபத்துக்குள்ளானதில் ஒருவர் காயமடைந்து வைத்தியசாலையில் அனுமதிக்கப்பட்டுள்ளார்.

குழாய் கிணறு அமைக்கும் பணிகளுக்காக பயன்படுத்தப்படும் லொறி ஒன்றே இவ்வாறு நுவரெலியா - நானுஓயா - ராதல்ல குறுக்கு வீதியில் கவிழ்ந்து விபத்துக்குள்ளாகியுள்ளது.

குறித்த வீதியின் சரிவான பகுதியில் லொறி பயணித்துக் கொண்டிருந்த போது, அதன் பிரேக் செயலிழந்தமையே விபத்துக்கு காரணம் என பொலிஸாரின் முதற்கட்ட விசாரணைகளில் தெரியவந்துள்ளது.

இச்சம்பவம் குறித்து நானுஓயா பொலிஸார் மேலதிக விசாரணைகளை முன்னெடுத்து வருகின்றனர்.

 சுதத் எச். எம். ஹேவா