விசா வழங்குவதில் சட்டக்கொள்கையை பின்பற்றுகிறது: இந்தியா

-மொஹொமட் ஆஸிக்

விசா வழங்குவதில் இந்தியா ஒரு முறையான சட்டக் கொள்கையை பின்பற்றி வருகின்றது. அனைவரும் அக்கொள்கையை கடைப்பிடிக்க வேண்டுமென இலங்கைக்கான இந்திய உதவி உயர்ஸ்தானிகர் செல்வி ராதா வெங்கட்ராமன், வியாழக்கிழமை (10) தெரிவித்தார். 

அக்குறணையில் 'இந்து லங்கா முஸ்லிம் கவுன்சில்' நிலையத்தை திறந்து வைத்து உரையாற்றிய போதே அவர் இவ்வாறு தெரிவித்தார்.

இந்திய அரசின் சட்டங்களுக்கு அமைய உரிய அதிகாரிகளினால் விசா வழங்கும் நடவடிக்கை மேற்கொள்ளப்பட்டு வருகின்றது என்றார். 

கல்வியியலாளர் ஐ.ஐனுதீனின் முயற்சியினால் ஆரம்பிக்கப்பட்டுள்ள இந்து லங்கா முஸ்லிம் கவுன்சிலின் எதிர்கால நடவடிக்கைகளுக்கு இந்திய அரசு அனைத்து உதவிகளையும் வழங்கும் என அவர் மேலும் தெரிவித்தார்.