வாழ வைத்த வாகனத்தை வணங்கி விடைபெற்ற கனகரத்தினம்

ரஞ்சித் ராஜபக்ஸ

அம்பகமுவ, மஸ்கெலியா, நோர்வூட் ஆகிய பிரதேச சபைகளில் 39 வருடங்களாக குப்பை சேகரிக்கும் உழவு இயந்திரத்தின் சாரதியாக கடமையாற்றிய கனகரத்தினம் என்பவர்,  தனது உழவு இயந்திரத்தை வணங்கி அதன் சாவியை  நோர்வூட் பிரதேச சபையின் செயலாளரிடம் கையளித்தார்.

நோர்வூட்- பொகவந்தலாவை வீதியை வசிப்பிடமாகக் கொண்ட , மூன்று பிள்ளைகளின் தந்தையான குறித்த சாரதி,   அம்பகமுவ பிரதேச சபையில் 39 வருடங்களாக உழவு இயந்திர சாரதியாக கடமையாற்றி வருகின்றார்.

மஸ்கெலியா மற்றும் நோர்வூட் பிரதசசபைகள் உருவாக்கப்பட்டதன் பின்னர், மஸ்கெலியா பிரதேச  சபையில் சிறிது காலமும் நோர்வூட் பிரதேச சபையில் சில காலமும்  உழவு இயந்திர சாரதியாக பணிபுரிந்து தற்போது ஓய்வுபெறுகிறார்.

39 வருடங்களாக உழவு இயந்திர சாரதியாக கடமையாற்றிய இவர் இதுவரை வாகன விபத்தையோ, போக்குவரத்து விதிகளை மீறிய குற்றச்சாட்டுகளையோ எதிர்கொள்ளாதவர் என தெரியவந்துள்ளது.