வீட்டில் கஞ்சா வளர்த்த SSP கைது

எம். செல்வராஜா        

மொனராகலை சிரேஷ்ட பொலிஸ் அத்தியட்சகர் ( Senior Superintendent of Police) பொலிஸ் விசேட அதிரடிப்படையினரால் கைது செய்யப்பட்டுள்ளார்.

350 கஞ்சா செடிகளை தம்வசம் வைத்திருந்த குற்றச்சாட்டின் கீழ், இவர் கைது செய்யப்பட்டுள்ளார் என பொலிஸார் தெரிவிக்கின்றனர்.

கிடைக்கப் பெற்ற இரகசிய தகவலுக்கு அமைய, சிரேஷ்ட பொலிஸ் அத்தியட்சகரின் வீட்டில் முன்னெடுக்கப்பட்ட சோதனைக்கு அமையவே சந்தேகநபர் கைதுசெய்யப்பட்டுள்ளார்.

இதன்போது, 350 கஞ்சா செடிகள் கண்டு பிடிக்கப்பட்டுள்ளதுடன்,  நவீன உலோக ஸ்கேனர் இயந்திரமொன்றும் மீட்கப்பட்டுள்ளது.

சந்தேகநபரை மொனராகலை பொலிஸாரிடம் ஒப்படைக்க நடவடிக்கை எடுக்கப்பட்டுள்ளதாக பொலிஸ் ஊடகப் பேச்சாளர் சிரேஷ்ட பொலிஸ் அத்தியட்சகர் நிஹால் தல்துவ தெரிவித்துள்ளார்.