ஹெரோய்னுடன் கலகெதரவில் ஒருவர் கைது

ஷேன் செனவிரத்ன

கண்டி விசேட பொலிஸ் குழுவினரால் கண்டி- கலகெதர பிரதேசத்தில் முன்னெடுக்கப்பட்ட தேடுதல் நடவடிக்கையின் போது, 26 கிராம் ஹெரோய்ன் போதைப் பொருளை வைத்திருந்த நபர், கைதுசெய்யப்பட்டுள்ளார்.

கண்டி உதவி பொலிஸ் அதிகாரி சமன் அங்கமனலவுக்கு கிடைத்த தகவலுக்கமைய, கலகெதர பிரதேசத்திலுள்ள வீடொன்றை சோதனையிட்ட போது, அங்கு 26 கிராம் ​ஹெரோய்ன் மீட்கப்பட்டது.

அத்துடன் சந்தேகநபர் பயன்படுத்தியதாகச் சந்தேகிக்கப்படும் அலைபேசிகள் 7, வங்கி அட்டைகள் என்பனவும் பொலிஸாரால் கைப்பற்றப்பட்டுள்ளன.

சந்தேகநபரும் கைப்பற்றப்பட்ட பொருள்களும் அலதெனிய பொலிஸாரிடம் ஒப்படைக்கப்பட்டுள்ளதுடன், சந்தேகநபர் தடுத்து வைக்கப்பட்டு விசாரணை செய்யப்பட்டு வருவவதாகவும் பொலிஸார் தெரிவித்தனர்.