இரவு 10 மணிவரை நீர்விநியோகத் துண்டிப்பு

(காந்த்ய சேனாநாயக்க)

களத்துவெவ - தெஹிவளை நீர்விநியோகக் குழாயில் மஹகரமையில் ஏற்பட்ட பழுதினால் கொழும்பு பன்னிபிட்டிய மற்றும் அதன் அயல்புறங்களில் உள்ள நீர்விநியோகத் துண்டிப்பு நிலை இன்று இரவு 10 மணிவரை நீடிக்கப்பட்டுள்ளதாக நீர்வழங்கல் மற்றும் வடிகாலமைப்பு சபை டெய்லி மிரருக்குத்தெரிவித்துள்ளது.

வெள்ளிக்கிழமை இரவு 9 மணியிலிருந்து இன்று மாலை 5 மணிவரை நீர்விநியோகம் துண்டிக்கப்படும் என நேற்று அறிவிக்கப்பட்டிருந்தது. எனினும் தவிர்க்க முடியாத காரணங்களால் இரவு 10 மணிவரை அது நீடிக்கப்பட்டுள்ளதாக அறிவிக்கப்பட்டுள்ளது.

பன்னிபிட்டிய, ருக்மல்கம, மெத்தேகொட, கெஸ்பாவ மற்றும் பிலியந்தலையிலிருந்து பொரலஸ்கமுவை வரை வீதிகள் அனைத்திலும் இந்நீர்விநியோகத் துண்டிப்பினால் பாதிக்கப்பட்டுள்ளன.