கொழும்பில் நாளை விசேட போக்குவரத்து ஒழுங்குகள்

(சுபுன் டயஸ்)

மே தின நிகழ்வுகளையொட்டி  நாளை நடைபெறவுள்ள கொழும்பில் விசேட போக்குவரத்து ஒழுங்குகள் அமுல்படுத்தப்படும் என பொலிஸ் மா அதிபர் மஹிந்த பாலசூரிய தெரிவித்துள்ளார்.

மே தின பேரணிகளுக்காக எவ்.ஆர்.சேனநாயக்க வீதி,  கிறீன் பாத் (பொதுநூலக சுற்றுவட்டம் ஹோர்ட்டன் சுற்றுவட்டம் வரை), பேஸ் லைன் வீதி (தெமட்டகொடை சந்தி முதல் பொரளை சந்திவரை) பாக் வீதி (பார்க் வீதி முதல் இசிபத்தன வீதி சந்திவரை) மூடப்பட்டிருக்கும்.

இதேவேளை, ஐக்கிய மக்கள் சுதந்திர முன்னணியின் பேரணியில் கலந்துகொள்ள கண்டி விதியூடாக வருபவர்களின் வாகனங்கள் டீன்ஸ் வீதி, சுதுவெல்ல பிரதேசத்தில் நிறுத்தி வைக்கப்பட வேண்டும் என மேல் மாகாண போக்குவரத்துக்குப் பொறுப்பான பிரதி பொலிஸ் மா அதிபர் அசோக விஜேதிலக்க தெரிவித்தார்.

இப்பேரணிக்காக காலி வீதி மற்றும் நீர்கொழும்பு வீதியூடாக வரும் வாகனங்கள் கீறீன் பாத் பகுதியில் நிறுத்திவைக்கப்பட வேண்டும்.

ஹைலெவல் வீதி, கடுவெல வீதியிலிருந்து வரும் வாகனங்கள் றீட் அவெனிவில் நிறுத்திவைக்கப்பட வேண்டும். பிலியந்தல –கெஸ்பேவ மற்றும் ஸ்ரீ ஜயவர்தனபுர பகுதிகளிலிருந்து வரும் வாகனங்கள் முறை சுதந்திர சதுக்கத்திலும் மெயிட்லன்ட் கிறசன்ட் பகுதியிலும் நிறுத்தப்பட வேண்டும்.

தேசிய சுதந்திர முன்னணியின் ஊர்வலத்திற்காக வரும் வாகனங்கள் ஆர்னோல்ட் ரட்னாயக்க மாவத்தை மற்றும் டி.ஆர். விஜேவர்தன மாவத்தையில் நிறுத்திவைக்கப்பட வேண்டும்.
ஜே.வி.பி.யின் மே தின ஊர்வலத்திற்காக வரும் வாகனங்கள் இசிபத்தன வீதி, பார்க் லேன், சரணங்கர வீதி, பாமன்கட வீதி, ஹைலெவல் வீதி, மாயா சுற்றுவட்டம் ஆகியவற்றில் நிறுத்தப்பட வேண்டும்.