சட்டவிரோத குடியேற்றம் குறித்து கொழும்பில் சர்வதேச செயலமர்வு

(ஒலிந்தி ஜயசுந்தர)
சட்டத்துக்கு மாறான குடிவரவு, மக்களை விமானம் மூலம் கடத்துதல் ஆகியவை தொடர்பில் நடைபெறும் குற்றச்  செயல்கள் பற்றிய தகவல்களை பகிர்தல், போல ஆவணங்களை கண்டுபிடித்தல் தொடர்பில் ஒத்துழைத்தல் தொடர்பான சர்வதேச செயலமர்வொன்று அண்மையில் கொழும்பில் நடைபெற்றது.

இந்த செயலர்வை இலங்கையும் அவுஸ்திரேலியாவும் இணைந்து ஒழுங்கு செய்தன.

இதன்போது ஆப்கானிஸ்தான், பர்மா, கனடா, இந்தியா, இந்தோனிஷியா, மலேஷியா, பாகிஸ்தான், தாய்லாந்து, ஐக்கிய இராச்சியம், அகதிகளுக்கான ஐக்கிய நாடுகளின் உயர் ஸ்தானிகரலாயம் ஆகியவற்றின் பிரதிநிதிகள் கலந்து கொண்டு மக்களை கடத்துதல், சட்டத்துக்கு புறம்பான குடிவரவு ஆகியவற்றை கட்டுப்படுத்தும் வழிமுறைகள் பற்றி ஆராய்ந்தனர்.

சட்டவிரோத குடியேற்றமும் மனிதக் கடத்தலும் பூகோள பிரச்சினையாக உள்ளதாகவும் ஏனைய நாடுகளின் ஒத்துழைப்பின்றி இதை தடுக்க முடியாது எனவும் அவுஸ்திரேலிய உயர்ஸ்தானிகராலய அதிகாரிகள் இச்செயலமர்வில் தெரிவித்தனர்.