மதுபோதையில் அநாகரிகமாக நடந்துகொண்ட பெண்ணுக்கு அபராதம்

(லக்மால் சூரியகொட)

கொழும்பு கொம்பனித் தெருவில் மதுபோதையில் அநாகரிகமான முறையில் நடந்துகொண்டதாக குற்றம் சுமத்தப்பட்ட பெண்ணொருவருக்கு கொழும்பு கோட்டை நீதவான் இன்று 2500 ரூபா அபராதம் விதித்தார்.

வொக்ஷோல் வீதியைச் சேர்ந்த அப்பெண், அதே வீதியில் அநாகரிகமாக நடந்துகொண்ட குற்றச்சாட்டின் பேரில் நேற்று செவ்வாய்க்கிழமை பொலிஸாரால் கைதுசெய்யப்பட்டார்.

அப்பெண்ணை நீதிமன்றில் ஆஜர்படுத்திய பொலிஸார், அவர் அநாகரிகமான முறையில் நடந்துகொண்டதாகவும் அவ்வீதியில் செல்வோரை தகாத வார்த்தைகளால் திட்டியதாகவும் கூறினர்.

தன்மீதான குற்றச்சாட்டை அப்பெண் ஒப்புக்கொண்டார். அதையடுத்து, அவருக்கு நீதவான் கனிஷ்க விஜேரட்ன 2500 ரூபா அபராதம் விதித்தார்.