ஆபாச புத்தகம் விற்பனை செய்த புத்தகசாலை உரிமையாளருக்கு அபராதம்

(லக்மால் சூரியகொட)

ஆபாச விடயங்கள்  கொண்ட புத்தகம் விற்பனை செய்த குற்றச்சாட்டை ஒப்புக்கொண்ட புத்தகசாலை உரிமையாளர் ஒருவருக்கு கொழும்பு கோட்டை நீதவான் 2500 ரூபா அபராதம் விதித்துள்ளார்.

கொள்ளுபிட்டியிலுள்ள இப்புத்தகவிற்பனை நிலையத்துக்கு  பொலிஸ் அதிகாரியொருவர் மாறுவேடத்தில் சென்றபோது அவருக்கு ஆபாச புத்தகம் விற்கப்பட்டதாக குற்றம்சுமத்தப்பட்டது.

பிலியந்தலையைச் சேர்ந்த லோரன்ஸ் பேர்னார்ட் ரஞ்சித் எனும் எனும் நபர்,  3000 ரூபாவுக்கு அப்புத்தகத்தை விற்றதாகவும் ஆங்கிலமொழியிலான இப்புத்தகம் 292 பக்கங்களைக் கொண்டிருந்ததாகவும் நீதிமன்றில் கொள்ளுபிட்டி பொலிஸார் தெரிவித்தனர்.