யுத்தத்தின் பின் யாழில் புதிதாக 10 வங்கிகள்

(கவிசுகி)

யாழ்ப்பாணத்தில் யுத்தம் முடிவடைந்ததாக அரசாங்கத்தால் அறிவிக்கப்பட்ட பின்னர் 10 வங்கிகள் புதிதாக ஆரம்பிக்கப்பட்டுள்ளதாக வடமாகாண நிதித்துறை சேவை நிலையம் இன்று அறிவித்துள்ளது.

யுத்தத்திற்கு பின்னரான காலப்பகுதியில் வடமாகாணம் நிதித்துறையில் பாரிய முன்னேற்றத்தை கண்டு வருகிறது. மக்களின் பொருளாதாரத்தை மேம்படுத்தும் நோக்குடன் வங்கிகள் தமது புதிய கிளைகளையும் விரிவாக்கல் நிலையங்களையும் வடக்கில் அமைத்து வருகின்றன.

யாழ்ப்பாணத்தில் தற்போது 16 வங்கிகள் செயற்பட்டு வருகின்றன. இந்த வங்கிகளின் மூலம் 24 கிளைகளும் 20 விரிவாக்கல் நிலையங்களும் செயலாற்றுவதாக  வடமாகாண நிதித்துறை சேவை நிலையம் தெரிவித்தது.