யாழ். சிறைக் கைதிகளின் உண்ணாவிரதம் முடிவு

(கவிசுகி)

யாழ். சிறைச்சாலையில் உண்ணாவிரதப் போராட்டத்தில் ஈடுபட்டு வந்த 8 தமிழர் அரசியல் கைதிகள் தமது போரட்டத்தை இன்று புதன்கிழமை நிறைவு செய்துள்ளனர்.

இந்து பௌத்த கலாசார பேரவையின் செயலாளர் எஸ்.இராமச்சந்திரன் யாழ். சிறைச்சாலைக்கு சென்று அரசியல் கைதிகளின் உண்ணாவிரத போராட்டத்தை பார்வையிட்டபோது வழங்கிய உறுதிமொழியை அடுத்தே இக் கைதிகள் போராட்டத்தை கைவிட்டனர்.

இந்து பௌத்த கலாசார பேரவையின் செயலாளர் எஸ். இராமச்சந்திரன் ஜனாதிபதியை சந்தித்து அரசியல் கைதிகளின் விடுதலை குறித்து பேசுவதாக உறுதிமொழி வழங்கியதுடன் கைதிகளுக்கு குளிர்பானம் வழங்கி இப்போரட்டத்தை நிறைவுக்கு  கொண்டு வந்தார்.