யாழில் வயோதிபரின் சடலம் மீட்பு

(கவிசுகி,தாஸ்)
யாழ். கைலாசப்பிள்ளை ஆலயத்திற்கு அருகாமையிலுள்ள பாழடைந்த வீட்டிலிருந்து வெட்டுக்காயங்களுடன் வயோதிபர் ஒருவரின் சடலத்தை யாழ். பொலிஸார் இன்று வெள்ளிக்கிழமை காலை மீட்டுள்ளனர்.

யாழ். மவுன்காமம் வீதி, குருநகரைச் சேர்ந்த 7 பிள்ளைகளின் தந்தையான சில்வெஸ்டர் ஜேசுதாஸ் (வயது 68) என்பவரின் சடலமே இன்று மீட்கப்பட்டுள்ளது.

குறித்த நபர் மதுபான நிலையமொன்றில் மது அருந்திக்கொண்டிருந்த வேளை இனந்தெரியாத இருவரால் அழைத்துச் செல்லப்பட்ட நிலையில் இன்று சடலமாக மீட்கப்பட்டுள்ளார். மேலும் இவர் அணிந்திருந்த நகைகளை காணவில்லையென உறவினர்கள் தெரிவித்துள்ளனர்.

இச்சம்பவம் குறித்த விசாரணைகளை பொலிஸார் மேற்கொண்டு வருகின்றனர்.