தமிழ் மொழித்திறனை மேம்படுத்தும் நோக்கில் மாணவர்களுக்கு கட்டுரைப் போட்டி

(கவிசுகி)

யாழ். மாநகர சபையின் கலாசாரப் பிரிவு, யாழ்.மாணவர்களுக்கான கட்டுரைப் போட்டியொன்று நேற்று ஞாயிற்றுக்கிழமை யாழ். வேம்படி மகளிர் உயர்தர பாடசாலையில் நடத்தியது.

யாழ்.மாணவர்களின் தமிழ் மொழித்திறனை மேம்படுத்தும் நோக்கில் மேற்படி கட்டுரைப்போட்டி  நடத்தப்பட்டது. இக்கட்டுரைப்போட்டி மேற்பிரிவு, மத்திய பிரிவு, கீழ்ப்பிரிவு என்ற மூன்றுப் பிரிவுகளுக்குள் இடம்பெற்றது.

இப்போட்டியில் வெற்றிபெறும் மாணவர்களுக்கான  பரிசில்கள் நல்லூர் உற்சவ காலத்தின் போது  வழங்கப்படவுள்ளதாக யாழ்.மாநகர முதல்வர் அறிவித்துள்ளார்.