இடையில் கைவிடப்பட்ட திருட்டு முயற்சி

(தாஸ்)

யாழ். சத்திரசந்திப் பகுதியிலுள்ள பலசரக்குக் கடையொன்றில் நேற்று செவ்வாய்க்கிழமை இரவு வேளையில் மேற்கொள்ளப்பட்ட திருட்டு முயற்சி இடையில் கைவிடப்பட்டுள்ளது.

கடை உரிமையாளர் மறுநாள் காலையில் தொழில் நடவடிக்கை நிமித்தம் கடைக்குச் சென்றபோது கடையின்  பூட்டு உடைக்கப்பட்டிருந்ததுடன், கடை நுழைவாயிலில் துப்பாக்கி ரவையும் இருந்ததை கண்ட நிலையில் பொலிஸில் முறைப்பாடு செய்துள்ளார்.

இதனையடுத்து குறித்த கடைக்குச் சென்ற பொலிஸார் துப்பாக்கி ரவையை மீட்டதுடன், இந்த சம்பவம் தொடர்பில் மேலதிக விசாரணையை மேற்கொண்டு வருகின்றனர்.