'யாழ். பெண்களுக்கு தனியான போக்குவரத்து சேவை வேண்டும்'

(கவிசுகி)
யாழ். மாவட்டத்தில் பெண்களுக்கு என பிரத்தியேக போக்குவரத்து சேவையினை ஏற்படுத்துமாறு யாழ்.மாவட்ட மகளீர் அபிவிருத்தி நிலையம் இலங்கை போக்குவரத்து சபையின் யாழ்.அலுவலகத்திற்கு கோரிக்கை விடுத்துள்ளது.

யாழில் பெண்களுக்கு என போக்குவரத்து சேவையை ஏற்படுத்துவதன் மூலம் பெண்கள் தனித்துவமாக பேரூந்துகளின் பயணம் செய்ய முடியும். கொழும்பில் பெண்களுக்கு தனியான போக்குவரத்து சேவை வழங்கப்படுவதைப் போன்று யாழ்ப்பணத்திலும் அச் சேவையை ஏற்படுத்துமாறு கோரியுள்ளனர்

யாழ்.பெண்களின் தனித்துவ உரிமைகள் இச் சேவை ஏற்படுத்துவதன் மூலம் பாதுகாக்கப்படும் என்றும் விரைவில் இச்சேவையை ஏற்படுத்துவதற்கான ஒழுங்குகளை மேற்கொள்ளுமாறு தங்கள் அமைப்பின் சார்பாக கோரிக்கை விடுவதாக யாழ்.மாவட்ட மகளீர் அபிவிருத்தி நிலையம் மேலும் தெரிவித்துள்ளது.