நல்லூர் ஆலய சூழலில் போலிச் சாமியார் குறித்து எச்சரிக்கையாக இருக்குமாறு பணிப்பு

(கவிசுகி)

யாழ். நல்லூர் உற்சவ காலத்தில் ஆலய சுழலில் சோதிடம் மற்றும் குறி சொல்லும் நடவடிக்கையில் போலிச் சாமியார்கள் ஈடுபட்டுள்ளதாகவும் அவர்களை நம்மி சோதிடம் மற்றும் குறி கேட்க வேண்டாம் என பக்தர்களுக்கு நல்லூர் கந்தன் ஆலய பரிபாலன சபையினர் அறிவித்துள்ளனர்.

நல்லூர் கந்தனின் உற்சவ காலத்தை பயன்படுத்தி போலிச் சாமியார்கள் பலர் குறி சொல்லும் நடவடிக்கையில் ஈடுபட்டுள்ளதுடன் பக்தர்களை ஏமாற்றி பெரும் தொகையில் பணத்தைக் பெறுகின்றனர். இவ்வாறானவர்களை இனம் கண்டு அவர்களிடம் எதிர்காலம் பற்றிய சோதிடங்களை கேட்க வேண்டாம் என பக்தர்கள் கேடகப்பட்டுள்ளனர்.

அத்துடன் தங்களுக்கு ஏற்கனவே தெரிந்த மற்றும் நம்பிக்கையான சோதிடர்களிடம் மாத்திரம் தங்களது எதிர்காலம் தொடர்பாக கேட்டு பயன் பெறுமாறும் நல்லூர் கந்தன் ஆலய பரிபாலன சபையினர் மேலும் தெரிவித்துள்ளனர்.